【點解老細收到辭職信要反面呢?】
呢個問題其實冇答案架，因為我諗極都唔明，好多人遞咗辭職信，個老細或者上司一定反晒面，點解唔了解下員工走嘅原因呢? 就算挽留唔到，都可以送上祝福架啫，難道你一日唔執，個員工一日都唔應該跳槽? 我見過好多case都幾惡劣，包括唔揪唔睬、扮收唔到、請唔到人就唔放你走，甚至係計糧出現爭拗。
如果上司或者老闆小器，我哋控制唔到，不過自己本份最好做足，例如辭職信格式唔好馬虎，以免出現灰色地帶，我早兩日收到網友Roy嘅inbox message，佢問我辭職信咁樣打啱唔啱? 得佢同意後，我post出嚟分享下。
Hello Tommy,
You remember 3 months ago I expressed my intention to resign?
I hereby tender my resignation.
Thank you!
Roy
嗱，Roy哥，我唔知你同你老細Tommy有幾friend，但由於你封信係冇日期，呢個已經係大忌，若然Tommy玩嘢呢，我真心驚你走唔到，都係乖乖哋跟足格式啦，保障自己呀！
鑑於inbox每日都收到好多網友嘅分享同提問，有時會覆唔切，為免你哋「誤咗大事」，我決定開個工具網，各位可以上去參考，個網好方便，即改即Print又得，改完就咁Copy用嚟出email又得，減低出錯機會。
網址：https://goo.gl/ggcTDA
Upload埋呢條教學片俾你哋，遲啲會擺更多sample上去，當中仲有個藍色嘅"教學導覽"button，一睇就明架喇，如果個工具網有咩要改善或者想增加,各位喺呢個post度留言俾我啦，保證從善如流。
Search